Recentemente rehabilitada polo prestixioso arquitecto Pedro de Llano, a casa conserva a beleza da arquitectura popular de Galicia e aporta elementos novos da arquitectura de vangarda. Atópase moi preto de Santiago de Compostela e das praias da Rías Baixas, nun contorno rural, rodeada de verdes prados e plantacións de maceiras para a produción de sidra galega, que deleitan ó visitante na época da floración.